Chlausobig der Frauen- & Töchterriege

Chlausobig? - Nach langem hii und här händ mir bestummä, 
er findet statt, aber um diä Massnahme chömmer nöd umä.
Halt au ohni dä Samichlaus, dä het das Johr eh nüt z'brichtä, 
drum hämmer usgsuecht es paar anderi, schöni Gschichtä.
Verussä i chline Grüppli wird spaziert oder marschiert, 
will dä Chlaus sini Sache bi verschiedene Poste deponiert.
S'Säckli füllä mit Nüssli, Manderinli, Biberli, Schöggeli und em Stern,
au ohni turne - diä Sachä hämmer alli mega gern.
En wärmende Punsch gits zum Schluss...
leider das Johr grad ohni "Schuss".
Uf de Heiwäg vom OK e liebi Ängels-Botschaft, 
dass jedi Turnerin gsund bliibt und's guet durs neu Johr schafft.