Chlausabend 2022 Aktivriege
Am Freitag 9. Dezember um 20.00 Uhr besammelte sich die Aktivriege für einmal ohne Turnzeug vor dem OSZ für den Chlausabend. Die anwesenden Turner wurden sogleich in drei Gruppen aufgeteilt und mit einem Couvert ausgestattet. Darin befand sich die erste Nachricht des Samichlaus:
Leider ligg au ich mitere erchältig i mim warme Bettli, und chan eu warschindli das Jahr nöd go bsueche choo. Am Schmutzli gohts echli besser und drumm hani dä los gschickt, zum für eu en schöne Abig z organisiere.
All zu gspröchig ischer aber nöd gsi, und het eure Weg lediglich ufzeichnet. Folget dem schnell, ich bin sicher eu erwartet öppis ufwärmends a dem chalte Abig.
Vor luter Organisation hed de Schmutzli aber ganz vergesse euri Chlausgschichte vo demm Jahr z sammle. Drumm bruchi euri Hilf! Notieret doch ufem Weg Gschichte vo de andere Gruppemitglider. Fallser d Näme scho wider vergesse hend, hend die mini Helferli obedra ufgschribä.
Probieret möglichst vill Gschichtä z finde, uf all Fäll aber...
- öppis lobends
- öppis lustigs
- öppis tadelnds
...vo jewils öppertem.
So, jetzt hani gnueg gschribä für de Afang. Machet eu uf de Weg! Ich wird wider füren Moment under di warm Decki chrüüche...
Samichalus
Am Ziel angekommen, konnten wir uns am Feuer aufwärmen und uns mit einem Glühwein stärken. Ebenso liessen wir das letzte Jahr Revue passieren und notierten für den viele Geschichten. Danach bekamen wir einen weiteren Brief vom Samichlaus. Darin schrieb er folgendes:
Wieni ghört han, hender de Glüehwii gnosse. Leider sind aber no nöd so vill Gschichtä zemechoo. Also hopp, Stift und Papier schnappe und losschribä. Wenn eu würklich nüt in Sinn chunt, denn rüehreter halt no d Grüchtechuchi aa...
Bald müender au scho wider witerzieh. Teilet eu doch d Zit so ii, daser ca. am 21.45 am nögste Etappeziel achömed. De Weg hed de Schmutzli widerum ufzeichnet.
Mitlerwilä hend bi mir auno Fieber und Schüttelfrost ihgsetzt. Ich chan also au nöd no zu spöter Stund bi eu ineluege und euri gsammlete Gschichtä vorträge. De Schmutzli het aber mitstudiert und vorsichtshalber scho mal s Samichlaus- und Schmutzligwand a eurem Etappeziel deponiert. Bestimmet doch zwei, wo sich usnahmswis emal für Eus usgebed und euri Gschichtä a de anderne vorträget. Wenni mi nöd tüsch hed de Schmutzli au s eint oder ander Chlausgschenkli ligge lah...
Guet Nacht mitenand
Samichlaus
Das nächste und auch letzte Ziel des Abend befand sich im Chalet hinter dem Restaurant Löwen. Dort angekommen wurden wir auch schon bald mit Fondue verköstigt und mit Trank versorgt. Am Ende des Abends trugen die drei Samichläuse die gesammelten Geschichten vor. Man munkelt, dass einer der drei Samichläuse immer noch seine Geschichten am erzählen ist.
Ein grosses Dankeschön den drei Organisatoren Guido Steiner, Silvan Eicher und Andrin Hager, so wie ihren Helfern Timo Ziegler und Luca Kuster für den gelungenen Abend.